Lokasiya: Cəfər Cabbarlı adına “Azərbaycanfilm” kinostudiyası, Baku, AZ

Tarix: 16.05.2026

Kurator: Sabina Şıxlinskaya

Bakı, Azərbaycan — 9 may 2026-cı il — Baku Urban Week çərçivəsində, Azərbaycan Urbanistika Kampaniyası və Ümumdünya Şəhər Forumunun 13-cü sessiyası (WUF13) ərəfəsində Azərbaycanın paytaxtında “Şəhərin Səsi” adlı xüsusi mədəni proqram keçiriləcək.

Tədbir Cəfər Cabbarlı adına “Azərbaycanfilm” kinostudiyasının tarixi məkanında baş tutacaq və şəhərə yalnız urbanistika və memarlıq obyekti kimi deyil, həm də musiqi, rəqəmsal incəsənət, kino irsi və müasir kreativ industriyaların kəsişdiyi bir məkan kimi yeni baxış təqdim edəcək.

“Şəhərin Səsi” layihəsinin məqsədi Bakının çoxqatlı şəhər kimliyini yeni formatda təqdim etməkdir — burada şəhər ritm, səs, vizual hekayət və kollektiv təcrübə kimi yenidən düşünülür. Qonaqları DJ setləri, audiovizual performanslar, videomapping, rəqəmsal proyeksiyalar, mural-konsept, eləcə də “Azərbaycanfilm” kinostudiyasının unikal tarixi atmosferinə inteqrasiya olunmuş xüsusi bədii həllərlə zəngin proqram gözləyir.

Vizual proqramda iştirak edirlər: Sabina Şıxlinskaya (vizual proqramın kuratoru), Emin Mathers (live video mapping), Ramil Məmmədli (animasiya), Bəxtiyar Zeydzadə (mural).

Proqramın musiqi hissəsini DJ Pancho, Hazi Karim, Cestlek və Sløu təqdim edəcəklər. Onlar elektron musiqi və müasir performativ formatlar vasitəsilə şəhərin ritmini canlandıracaqlar.

Layihə Torpağın Səsi və AtəşHub platformaları tərəfindən həyata keçirilir. Tədbir Azərbaycan Respublikası Kino Agentliyi, Mədəni və Kreativ Sənayelərin İnkişaf Mərkəzi, Cəfər Cabbarlı adına “Azərbaycanfilm” kinostudiyası və Yelo Bank-ın dəstəyi ilə keçirilir.

Baku Urban Week proqramının vacib hissəsi kimi “Şəhərin Səsi” şəhər mədəniyyətinin gələcəyinə kreativ baxış təqdim edir və Bakını qlobal urbanistik diskursda yalnız şəhərsalma nümunəsi kimi deyil, həm də müasir mədəniyyət və yaradıcı transformasiya məkanı kimi ön plana çıxarır.

Emin Mathers
Bir saatlıq canlı performans çərçivəsində Emin Mathers, canlanan DJ setinin ritm və motivlərinə uyğun olaraq, XX əsrdə “Azərbaycanfilm” kinostudiyası tərəfindən istehsal olunmuş kult filmlərdən Bakı şəhərinin və onun sakinlərinin gündəlik həyatını əks etdirən kadrlardan real vaxtda vizual kompozisiya yaratdı. İkinci vizual planda isə bu görüntülər həm müəllifin özünün, həm də müasir rəqəmsal rəssam Jake Fried-in psixodelik animasiyaları ilə əlaqələndirildi. İlk baxışda bir-birinə uyğun görünməyən iki vizual dünyanın birləşdirilməsi nəticəsində performans yerli tamaşaçı üçün olduqca tanış olan obrazlara yeni və müasir vizual perspektiv qazandırdı.

Ramil Məmmədli

Bəxtiyar Zeydzadə