“Axar Yaddaş”

Axar yaddaş” sərgisi Azərbaycanda hamam mədəniyyətinin çoxqatlı mənalarını - su, yaddaş və təmizlik anlayışları kontekstində araşdırır. Sərgi çərçivəsində hamam yalnız memarlıq və fiziki məkan kimi deyil, həm də ictimai münasibətlərin, şəxsi xatirələrin və mədəni davamlılığın daşıyıcısı kimi təqdim olunur.

Səbinə Şıxlinskaya, Nərgiz Əsgərova Ramizqızı, Aliyə Bayramova və Timur Zaripovun iştirakı ilə təqdim edilən çağdaş sənət əsərləri vasitəsilə hamam keçmişlə bu gün arasında axan yaddaş məkanına çevrilir. Burada o, nəsilləri və təcrübələri birləşdirən kollektiv identiklik sahəsi kimi yenidən yozulur.

Mənsurə Məmmədəliyevanın kurasiyası ilə təqdim olunan sərgi həm tarixi-mədəni irsin qorunmasına, həm də ekoloji və sosial məsuliyyət mövzularına diqqət yönəldir. Bu baxımdan “Axar yaddaş” həm düşünməyə dəvət, həm də çağdaş insanın yaddaşla münasibətinə poetik bir baxış kimi çıxış edir.